Lögðu hald á ökutæki vegna manndráps í Kópavogi
Setja bókamerki
Lögreglan á höfuðborgarsvæðinu hefur lagt hald á eitt ökutæki vegna rannsóknar á andláti Daníels Eiríkssonar, sem lést á Landspítalanum í síðustu viku vegna áverka sem honum voru veittir í Kórahverfi í Kópavogi. Þetta staðfestir Margeir Sveinsson yfirlögregluþjónn við mbl.is.
Margeir gat ekki tjáð sig frekar um hvers vegna lagt var hald á ökutækið en segir að það sé í þágu rannsóknarinnar.
Að öðru leyti gat hann ekki tjáð sig frekar um rannsóknina og sagði að engir fleiri hefðu verið handteknir eða yfirheyrðir vegna málsins. Þrír rúmenskir karlmenn voru handteknir á föstudag vegna málsins en tveimur þeirra var sleppt að loknum yfirheyrslum. Sá þriðji var úrskurðaður í gæsluvarðhald og kveðst vera niðurbrotinn vegna málsins, andlát Daníels hafi verið slys.
Margeir hefur áður staðfest að tengsl hafi verið á milli Daníels og rúmenska karlmannsins sem nú situr í gæsluvarðhaldi, þó að ekki sé ljóst hve mikil þau voru. Einhver samskipti hafi verið milli mannanna tveggja.
Búið að bólusetja börn alla helgina
Íslendingar ein mest einmana þjóð heims
„Mér finnst Halla Hrund svona Vigdísarleg“
Áverkar bentu til manndráps
Sáttur við sína stöðu og finnur fyrir meðbyr
Áköf mótmæli í bandarískum háskólum
Myndskeið: „Fólk var komið ískyggilega nálægt“
Myndir: Reynir við heimsmet í Hlíðarfjalli í dag