Víðir Reynisson, yfirlögregluþjónn hjá almannavarnadeild ríkislögreglustjóra, er vonsvikinn og segir að staðan sé alvarleg í kjölfar þess að fréttir bárust af því að 56 einstaklingar hafi greinst með Covid-19 hér innanlands í gær. Þetta kemur fram í samtali hans við Fréttablaðið.

„Þett­a eru gríð­ar­leg­a háar töl­ur. Þett­a er það sem við erum að sjá, þró­un­in­a verð­a svon­a. Það er ekk­ert sem stopp­ar þess­a út­breiðsl­u, það eru eng­ar tak­mark­an­ir í gang­i og ból­u­setn­ing­arn­ar eins og við sjá­um virk­a bara að hlut­a til. Með­an að þett­a er svon­a má bú­ast við þess­um töl­um á­fram,“ seg­ir Víð­ir í samtali við Fréttablaðið.

Þá ræðir hann um Verslunarmannahelgina sem nálgast óðfluga en eins og flestir vita er það ein stærsta, ef ekki stærsta ferðahelgi ársins. Víðir segir að núna sé aðallega verið að beina tilmælum til fólks, því sagt að hugsa sinn gang og fara varlega. „Við vit­um alveg hvað það er sem gagn­ast vel, að fólk pass­i sig og sé ekki að hitt­ast í of stór­um hóp­um og ann­að slíkt. Það er það sem hef­ur gagn­ast vel í bar­átt­unn­i hing­að til,“ segir Víðir.

Víðir var þá spurður hvort það sé til skoðunar að setja sérstakar ráðstafanir vegna fjölda smita, eins og til dæmis svæðisbundnar takmarkanir. „Það er bara það sem menn þurf­a að hafa í huga núna, hvern­ig þeir hegð­a sér og hvað menn gera, það er það sem skipt­ir öllu máli í þess­u. Ekki end­i­leg­a hvað­a regl­ur eru sett­ar.“

Að lokum segir Víðir að staðan í dag valdi vonbrigðum. „Þett­a er langt frá því að vera það sem við átt­um von á. Það eru von­brigð­i að ból­u­setn­ing­arn­ar séu ekki að virk­a bet­ur en þett­a, ég held að all­ir hafi reikn­að með því að þær mynd­u koma í veg fyr­ir svon­a hlut­i. Við átt­um alveg von á því að einn og einn mynd­i smit­ast en svon­a stór og ný bylgj­a er ekki það sem neinn átti von á held ég.“