Peter Phillips, elsta barnabarn Elísabetar Englandsdrottningar, er skilinn við eiginkonu sína Autumn að því er fram kemur í People. Drottningin er sögð miður sín yfir fréttunum eftir allt sem hefur gengið á í fjölskyldunni að undanförnu.
Á mánudaginn birtu þau fréttatilkynningu þess efnis að allt sem viðkæmi fjármálum þeirra hefði nú farið í gegnum dómstóla og málefni þeirra teldust leyst.
Peter Phillips er 42 ára gamall sonur Önnu prinsessu og fyrrverandi eiginmanns hennar Marks Phillips. Hjónin giftu sig fyrir tæpum 12 árum og eiga saman dæturnar Savönnuh, níu ára, og Islu, sjö ára.