Allt útlit er nú fyrir að Bretar verði sviptir silfurverðlaun sínum í einni vinsælustu greininni á Ólympíuleikum, 4x100 metra boðhlaupi.
CJ Ujah féll á lyfjaprófi en í dag var greint frá því að seinna sýnið hafi einnig reynst jákvætt eins og hið fyrra. Greint var frá niðurstöðunum varðandi fyrra sýnið í ágúst.
Úrslitin í greininni í karlaflokki urðu geysilega óvænt á Ólympíuleikunum í Tókýó. Ítalía sigraði og Bretland náði öðru sæti en á síðustu stórmótum hafa Bandaríkin og Jamaíka átt sterkustu sveitirnar. Bandaríkjamenn hafa raunar nánast ávallt verið með eina af allra sterkustu sveitunum.
Ostarine og S-23 fannst í CJ Ujah og eru á bannlista.
Verði Bretar sviptir verðlaunum þá fær Kanada silfrið og Kína fær bronsið.