Tveir létu lífið eftir alvarlegt umferðarslys sem varð á Eyjafjarðarbraut eystri skammt norðan við Laugaland eftir hádegi á miðvikudag. Bíll fór út af veginum og voru þeir tveir sem í honum voru úrskurðaðir látnir á vettvangi.
Tíu hafa látið lífið í umferðinni það sem af er ári, en á sama tíma í fyrra hafði einn látið lífið eftir umferðarslys og alls létu átta lífið í umferðinni árið 2023. Fimm létu lífið á ellefu daga tímabili í janúar á þessu ári.
„Þetta var versti janúar frá upphafi bílaaldar á Íslandi,“ segir Helgi Þorkell Kristjánsson, rannsóknastjóri á umferðarsviði rannsóknarnefndar samgönguslysa.
Lesa má meira um málið í Morgunblaðinu í dag.