Cloé Lacasse lék sinn fyrsta landsleik fyrir Kanada um helgina þegar liðið tapaði 1:2-gegn Mexíkó í vináttulandsleik í Mexíkóborg í Mexíkó.
Sóknarmaðurinn kom inn á sem varamaður á 64. mínútu en hún fékk íslenskan ríkisborgararétt sumarið 2019.
Cloé fékk ekki keppnisleyfi með íslenska landsliðinu og því hefur hún ekki verið lögleg með kvennalandsliðinu.
Hún er á sínu þriðja tímabili með portúgalska liðinu Benfica þar sem hún hefur skorað 55 mörk í 66 leikjum fyrir félagið.
Áður lék hún með ÍBV frá árinu 2015 til ársins 2019 þar sem hún varð bikarmeistari árið 2017.