Kamerúninn knái í essinu sínu
Setja bókamerki
Kamerúninn öflugi, Joel Embiid, var samur við sig og fór fyrir Philadelphia 76ers þegar liðið hafði betur gegn San Antonio Spurs, 137:125, í NBA-deildinni í körfuknattleik í nótt.
Embiid skoraði 33 stig og tók tíu fráköst og var stigahæstur í leiknum. Liðsfélagi hans, Tyrese Maxey, kom afar sterkur inn af varamannabekknum og skoraði 25 stig.
Malaki Branham var stigahæstur í liði San Antonio með 26 stig.
Portland Trail Blazers vann góðan sigur á Washington Wizards, 124:116.
Anfernee Simons var stigahæstur hjá Portland með 33 stig og skammt undan var skotmaðurinn magnaði, Damian Lillard, með 29 stig.
Bradley Beal fór fyrir Washington með því að skora 34 stig og Lettinn Kristaps Porzingis bætti við 32 stigum og átta fráköstum.
Öll úrslit næturinnar:
San Antonio – Philadelphia 125:137
Washington – Portland 116:124
Detroit – Charlotte 118:112
Indiana – Sacramento 107:104
Boston – Phoenix 94:106
Houston – Toronto 111:117
Minnesota – Orlando 120:127
Utah – Atlanta 108:115
Kostnaðurinn nemur allt að þremur milljörðum
Rannsaka drómasýki í hestum
Fannari líst ágætlega á aðgerðirnar
Braut gegn konum í Eyjum
Telur að Rússar herði sókn sína í norðaustri
Mennirnir í haldi lögreglunnar á Suðurnesjum
„Trúlega rákumst við saman“
Kemur ekki til greina að semja við ESB