Maðurinn sem beraði sig kominn í gæsluvarðhald

Maðurinn sem handtekinn var í gær fyrir að bera sig hefur verið úrskurðaður af Héraðsdómi Reykjavíkur í fjögurra vikna gæsluvarðhald, að kröfu lögreglunnar á höfuðborgarsvæðinu.

Karlmaður á fimmtugsaldri var handtekinn á íþróttasvæði í austurborginni síðdegis í gær eftir að tilkynning barst um mann sem þar væri að bera sig fyrir framan börn.

„Viðkomandi hefur ítrekað komið við sögu hjá lögreglu vegna blygðunarsemisbrota gagnvart börnum og fullorðnum á sama svæði síðustu vikur og mánuði,“ segir í tilkynningu frá lögreglu.

Í tilkynningunni kemur fram að maðurinn unir úrskurðinum.

Frétt af mbl.is

Handtekinn fyrir að bera sig í Laugardalnum

• Blogga um frétt