Danska liðið GOG fagnaði sínum fyrsta sigri í D-riðli Evrópudeildar karla í handbolta í kvöld er Pelister frá Norður-Makedóníu kom í heimsókn. Urðu lokatölur 30:29, GOG í vil.
Viktor Gísli Hallgrímsson varði fimm skot í marki GOG og var með 26% markvörslu. Þá var hann með eina skráða stoðsendingu.
GOG er með tvö stig í öðru sæti riðilsins, með jafnmörg stig og Kadetten frá Sviss sem Aðalsteinn Eyjólfsson þjálfar.