Þingmaður gagnrýnir vændiskaup Einars harðlega

Þorbjörg Sigríður Gunnlaugsdóttir, þingmaður Viðreisnar, gagnrýnir Einar Hermannsson, fráfarandi formann SÁÁ, harðlega í Facebook-færslu í dag og minnir á að refsingin við athæfi því sem hann er bendlaður við varði fangelsisvist. 

„Fáir ættu að þekkja betur þekkja betur hið ömurlega samhengi fíknar og vændis en formaður SÁÁ. Fáir ættu að skilja betur þann ævintýralega aðstöðumun sem er á kaupanda og seljanda í þeim aðstæðum,“ segir í færslu Þorbjargar.

Frétt af mbl.is

Hafi keypt vændi af skjólstæðingi SÁÁ

Einar sagði af sér í gær vegna þessa og sendi yfirlýsingu til fjölmiðla þar sem hann sagðist hafa svarað auglýsingu um kynlíf á netinu. Þar lýsti hann þeirri hegðun sem ófyrirgefanlegri en tók fram að það hefði ekki haft áhrif á störf sín fyr­ir SÁÁ.

Orðin sýni fram á skilningsleysi 

Þorbjörg gefur lítið fyrir þau orð Einars: „[...] maður sem segir opinberlega að þessi hegðun hafi ekki haft áhrif á störf hans er um leið að segja að hann hafi enga innsýn í aðstæður og engan skilning á veruleika kvenna sem eru langt leiddar í neyslu. En auðvitað hefur hann allar þessar upplýsingar um þá stöðu einmitt vegna starfsins.“

Stundin greindi frá því í gær að kona, sú sem Einar keypti vændið af hafi verið og sé enn skjólstæðingur SÁÁ.

Frétt af mbl.is

Landlæknir kannast ekki við málið

Vændiskaup refsiverð samkvæmt hegningarlögum

• 1 blogg um fréttina

Bloggað um fréttina

• Freysteinn Guðmundur Jónsson: Viðreisn