Bandaríski söngvarinn Meat Loaf er látinn, 74 ára að aldri. Þetta kemur fram í yfirlýsingu á facebooksíðu fjölskyldu hans.
„Hjörtu okkar eru brostin þegar við tilkynnum að hinn einstaki Meat Loaf lést í nótt með eiginkonu sína Deborah sér við hlið,“ sagði í tilkynningunni. „Dæturnar Pearl og Amanda ásamt nánum vinum hafa verið hjá honum síðasta sólarhringinn.“
Plata hans Bat Out of Hell er ein söluhæsta plata allra tíma.
Meat Loaf, singer whose Bat Out Of Hell album is one of the best-selling of all time, dies aged 74 https://t.co/NRh422Sjls
— BBC Breaking News (@BBCBreaking) January 21, 2022
Alls seldi Meat Loaf, sem fæddist í Texas, um 100 milljónir platna um allan heim og er Bat Out of Hell á meðal þeirra tíu sem hafa selst mest allra í sögunni.
Hann lék einnig í kvikmyndum á borð við Fight Club, Focus, Rocky Horror Picture Show og Wayne´s World.