Everton tekur á móti Liverpool í nágrannaslag ensku úrvalsdeildarinnar í knattspyrnu á laugardaginn kemur klukkan 11:30.

Everton er með fullt hús stiga eða 12 stig eftir fyrstu fjóra leiki sína í efsta sæti deildarinnar en Liverpool er með níu stig í fimmta sætinu.

Jürgen Klopp tók við stjórnartaumunum hjá Liverpool í október 2015 og hefur síðan þá stýrt liðinu til sigurs í Meistaradeild Evrópu, heimsmeistarakeppni félagsliða og nú síðast ensku úrvalsdeildinni.

„Liverpool þurfti á hjálp að halda þegar ég tók við liðinu og mér fannst þetta fullkomin blanda því ég er sterkur persónuleiki sem finn ekki mikið fyrir pressu,“ sagði Klopp.

„Stórt tap getur sviðið og stundum líður manni eins og þetta sé versta tap í sögu mannkynsins en svo vaknar maður daginn eftir, á lífi, og getur lært af mistökum gærdagsins,“ sagði Klopp meðal annars.

Leikur Everton og Liverpool verður sýndur beint á Símanum Sport.

Tengdar fréttir

Mörk og tilþrif

Ferna Palmers í risasigri (myndskeið)

• Rifust um að taka vítaspyrnu (myndskeið)
• Skoraði fullkomna þrennu í fyrri hálfleik (myndskeið)
• Arsenal féll á prófinu
• Pereira afgreiddi West Ham (Myndband)

» Fleiri tengdar fréttir

• Blogga um frétt