Twitter hefur tilkynnt að Jack Dorsey, stofnandi samfélagsmiðilsins, muni láta þegar í stað af störfum sem forstjóri og að yfirmaður tæknimála, Parag Agrawal, taki við af honum.
„Twitter tilkynnti í dag að Jack Dorsey hafi ákveðið að hætta sem forstjóri og hefur stjórnin einróma samþykkt að ráða Parag Agrawal sem forstjóra og stjórnarmeðlim í staðinn og tekur þetta gildi nú þegar,“ sagði í yfirlýsingu fyrirtækisins.
Fyrr í dag greindi CBS-fréttastofan frá því samkvæmt heimildum að Dorsey væri á útleið.