Eistneska veðmálasíðan Coolbet býður fólki upp á að veðja hvort eldgos verði fyrir 1. apríl eða ekki. Stuðlarnir eru þeim sem ekki spá eldgosi í hag en setjir þú 1.000 krónur á að ekki gjósi fyrir 1. apríl getur þú átt von á 1.330 krónum til baka.

Hafir þú trú á því að það gjósi fyrir 1. apríl gætir þú fengið 3.000 krónur fyrir sömu 1.000 krónur. Coolbet telur því líklegra að það gjósi eftir 1. apríl en fyrir. Þeir birtu færslu á Twitter-síðu sinni í kvöld þar sem þeir spurja: „Hvað segja okkar helstu Twitter jarðfræðingar? Er eldgos á leiðinni eða eru þessir skjálftar bara bullandi stemning? Stuðlar komnir á Coolbet!„

Coolbet hefur boðið upp á venjuleg íþróttaveðmál en einnig tekið þátt í að bjóða upp á „skrítin“ veðmál eins og á Gettu Betur og fleira.