Síðasti leikur tímabilsins í Lengjudeild karla fór fram í kvöld. Þar mættust Vestri og Kórdrengir á Ísafirði. Leiknum, sem hafði lítið að segja um lokaniðurstöðuna í deildinni, lauk með markajafntefli.
Alex Freyr Hilmarsson kom Kórdrengjum yfir á 11. mínútu. Axel Freyr Harðarsson tvöfaldaði svo forystu þeirra um tíu mínútum síðar.
Eftir hálftíma leik minnkaði Martin Montipo muninn fyrir heimamenn. Pétur Bjarnason jafnaði svo fyrir þá rétt fyrir hálfleik.
Leonard Sigurðsson skoraði svo það sem virtist ætla að verða sigurmark Kórdrengja á 74. mínútu.
Nacho Gil tókst þó að jafna fyrir Vestra í uppbótartíma, lokatölur 3-3.
1. Fram – 58 stig
2. ÍBV – 47 stig
3. Fjölnir – 42 stig
4. Kórdrengir – 39 stig
5. Vestri – 36 stig
6. Grótta – 35 stig
7. Grindavík – 26 stig
8. Selfoss – 24 stig
9. Þór – 23 stig
10. Afturelding – 23 stig
11. Þróttur R. – 14 stig
12. Víkingur Ó. – 8 stig