Kínversk stjórnvöld greindu nýverið frá því að bóluefni við kórónuveirunni sem þróað var þar í landi geti verið fáanlegt fyrir kínverskan almenning strax í nóvember. Þetta sagði Wu Guizhen, fulltrúi stjórnvalda, í viðtali við kínverska ríkisútvarpið.

Nokkrir kínverskir framleiðendur hafa verið óhræddir við að kynna niðurstöður bólefnaprófana sinna undanfarið og voru bólefni fyrirtækjanna Sinovac Biotech og Sinopharm meira að segja til sýnis á viðskiptahátíð sem haldin var í Peking á dögunum.

Guizhen sagði við fjölmiðla að lokastig prófana á kínversku bóluefni gengi vel og væru útlit fyrir að það yrði fáanlegt í nóvember eða desember. Ekki kom þó fram í máli hennar við hvaða bóluefni hún átti.

Hún greindi einnig frá því að hún hafi fengið bólusetningu við kórónuveirunni í apríl á þessu ári og sagðist henni hafa liðið vel síðan. Ekki kom heldur fram þá við hvaða bóluefni hún átti.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Þorsteinn Siglaugsson: Andvaraleysi gagnvart bóluefnum