Pelosi mun leiða demókrata í þinginu
Setja bókamerki
Nancy Pelosi, forseti frulltrúadeildar Bandaríkjaþings, hefur verið kjörin af flokkssystkinum sínum í Demókrataflokknum til þess að leiða flokkinn á bandaríska þinginu í forsetatíð Joe Biden, verðandi forseta Bandaríkjanna. Þar með heldur hún áfram að leiða þingið, nú með enn minni þingmeirihluta demókrata en á síðasta kjörtímabili.
Hún hefur þó ekki enn verið kjörin til áframhaldandi setu á forsetastóli fulltrúadeildar Bandaríkjaþings, en þó er hún talin mjög líkleg til þess að hljóta það kjör einnig. Það fer fram í janúar næstkomandi, skömmu áður en Biden sver embættiseið sem forseti Bandaríkjanna.
Pelosi kvað þetta mikinn heiður og lofaði að ganga strax til verks við að „berja niður“ stöðugan uppgang kórónuveirunnar í Bandaríkjunum.
Pelosi var einnig tíðrætt um réttlæti. Hún sagði að það næsta sem Bandaríkjaþing verður að beina sjónum sínum að sé „efnahagslegt réttlæti, réttarfarslegt réttlæti, réttlæti í umhverfismálum og réttlæti innan heilbrigðiskerfisins.“
Aðhald, frestun og eignasala
Segja yfir 50 þúsund hermenn fallna
„Þögnin er ærandi“
Benda á Samgöngustofu sem bendir út í heim
Aukin tíðni þungunarrofa hjá yngsta aldurshópnum
„Við eigum hvergi heimili“