Tekur þátt í nýliðavali NBA-deildarinnar
Setja bókamerki
Körfuknattleikskappinn Jón Axel Guðmundsson tekur þátt í nýliðavali NBA-deildarinnar en þetta staðfesti Körfuknattleikssamband Íslands, KKÍ, á heimasíðu sinni í dag.
Upphaflega átti nýliðavalið að fara fram í Barcleys Center í New York í Bandaríkjunum en vegna kórónuveirufaraldursins var ákveðið að sýnt yrði beint frá valinu úr höfuðstöðvum sjónvarpsstöðvarinnar ESPN í Bandaríkjunum.
Jón Axel hefur leikið með Davidson-háskólanum í Bandaríkjunum undanfarin ár þar sem hann hefur slegið í gegn en hann er í dag samningsbundinn Fraport Skyliners í efstu deild Þýskalands.
Jón Axel æfði með nokkrum liðum NBA-deildarinnar áður en hann samdi í Þýskalandi en tímabilinu í háskólaboltanum var aflýst vegna faraldursins sem og nýliðavalinu sjálfu sem átti upphaflega að fara fram í sumar. Hann tjáði Morgunblaðinu síðasta vor að hann hefði einnig fundað með mörgum NBA-liðum.
Charlotte Hornets, Sacramento Kings og Golden State Warriors eru allt lið sem hafa fylgst með Jóni Axel en hann er 24 ára gamall.
Framboð Viktors metið gilt
Halla svarar fyrir útgjöldin hjá Orkustofnun
229 slösuðust alvarlega í umferðinni
Móðirin sögð hafa játað að verða syni sínum að bana
Afkoma borgarinnar 13 milljörðum undir áætlun
Dómari vanhæfur í Hvammsvirkjunarmáli
Stofna framkvæmdanefnd um málefni Grindavíkur
„Fólk þolir óvissu í ákveðinn tíma“
