Fertug og ánægð í efnislitlu bikiníi

Raunveruleikaþáttastjarnan Kim Kardashian fagnaði fertugsafmæli í síðustu viku. Til þess að sýna að nýr tugur hefur lítil áhrif á útlit hennar birti hún mynd af sér í efnislitlum sundfötum. 

„Þetta er 40!“ skrifaði Kardashian og birti fjórar myndir af sér í afar litlu bikiníi á fallegri hvítri strönd. 

Ef eitthvað er að marka myndirnar, sem er þó ekki alltaf raunin á samfélagsmiðlum, virðist Kardashian taka hamingjusöm á móti nýjum tug. Myndirnar sýna líkama hinna fjögurra barna móður vel. Kardashian er auðvitað með fagfólk á öllum sviðum til að sjá til þess að hún líti út fyrir að vera „fullkomin“, það ætti því að varast að bera sig saman við drottninguna. 

• Blogga um frétt