Karlmaðurinn sem skaut aðstoðarmann söngkonunnar Lady Gaga og stal hundum hennar á síðasta ári hefur verið dæmdur í 21 árs fangelsi.
Maðurinn, sem heitir James Howard Jackson, samþykkti samning á mánudag. Hann mótmælti ekki né játaði tilraun til manndráps. Hann játaði hann hinsvegar að hafa valdið miklum líkamlegum skaða.
Jackson var einn af fimm sem tóku þátt í ráninu á hundunum tveimur. Ákæruvaldið segir hópinn ekki hafa vitað að hundarnir, sem eru franskir bolabítar, hafi verið í eigu Lady Gaga. Þeir hafi aðeins stolið hundunum til að hagnast á því fjárhagslega.
Árásin átti sér stað kvöldið 24. febrúar á síðasta ári. Hópurinn hafi keyrt um hin ýmsu hverfi Los Angeles í leit að frönskum bolabítum. Þá sáu þeir mann á gangi með þrjá franska bolabíta, en maðurinn reyndist vera Ryan Fischer, aðstoðarmaður Lady Gaga. Tóku þeir hann hálstaki og skutu hann.
Árásin náðist á öryggismyndavél við dyrabjöllu á nálægu húsi. Fischer slasaðist alvarlega og missti hluta úr öðru lunganu.