„Samtök sjómanna harma ef Vs Týr kemst ekki aftur í drift,“ segir í sameiginlegri ályktun Félags skipstjórnarmanna, Sjómannafélags Íslands, Sjómannasambands Íslands, Sjómanna- og vélstjórafélags Grindavíkur og Félags vélstjóra og málmtæknimanna, sem send hefur verið fjölmiðlum.

Tilefnið er fregnir af því að ekki sé öruggt að varðskipið Týr komist aftur í rekstur Landhelgisgæslunnar í kjölfar alvarlegrar bilunar.

Frétt af mbl.is

Ekki öruggt að varðskipið Týr fari í rekstur á ný

„Varðskip Landhelgisgæslunnar eru tvímælalaust mjög mikilvægur hluti almannavarnakerfis okkar Íslendinga eins og sannast hefur á undanförnum misserum,“ segir í ályktuninni og benda samtökin á að „nú ganga yfir landið náttúruhamfarir sem ekki er vitað hvernig enda. Við Íslendingar verðum því að treysta því að allar bjargir séu í lagi og það er á ábyrgð stjórnvalda að tryggja að svo sé.“

Þá krefjast samtökin að „stjórnvöld tryggi Landhelgisgæslunni það fjármagn sem þarf, til að koma Vs Tý í gagnið sem allra fyrst.“

Tengdar fréttir

Öryggi sjófarenda

Strand skemmtiferðaskips kallar á erlenda aðstoð

• Kalla þyrfti til erlent viðbragð
• Hafa þrjá mánuði til að bregðast við
• Siglingatækni Hefring í nýju björgunarskipin
• „Bjartsýnn á að allir leggist á eitt“

» Fleiri tengdar fréttir

Landhelgisgæslan

Annasamt hjá áhöfnum Landhelgisgæslunnar

• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði

» Fleiri tengdar fréttir

• Blogga um frétt