Patrik Klimala reyndist hetja New York Red Bulls þegar liðið tók á móti New York City í bandarísku MLS-deildinni í knattspyrnu í nótt.
Leiknum lauk með 1:1-jafntefli en Klimala skoraði jöfnunarmark leiksins úr vítaspyrnu þegar tólf mínútur voru liðnar af uppgefnum uppbótartíma.
Áður hafði Valentin Castellanos komið New York City yfir á 31. mínútu en Keaton Parks fékk að líta rauða spjaldið í liði New York City á 73. mínútu.
Þá fékk Maxime Chanot að líta sitt annað gula spjald í uppbótartíma hjá New York City og þar með rautt og gestirnir frá New York City því tveimur leikmönnum færri á lokamínútunum.
Guðmundur Þórarinsson var í byrjunarliði New York City en var skipt af velli í uppbótartíma.
New York City er í þriðja sæti austurdeildarinnar með 39 stig.