Alls greindust tíu þúsund kórónuveirusmit á Ítalíu síðastliðinn sólarhring og hafa þau ekki greinst fleiri þar í landi frá upphafi faraldursins síðasta vetur.

Auk þess létust 55 af völdum veirunnar en stjórnvöld íhuga að setja aftur á útgöngubann til að sporna við fjölda smita sem greinst hefur síðustu daga.

Þegar ástandið var hvað verst í landinu í mars var metfjöldi smita 6.557. Bent er á í frétt AFP að alls voru 150.000 sýni tekin í gær og eru þau mun fleiri en þegar verst lét í vor.

Alls hafa 391.000 smitast af kórónuveirunni á Ítalíu og 36.000 hafa látist.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt