James Rodriguez, nýr leikmaður Al-Rayyan í Katar, má yfirgefa félagið frítt ef Paris Saint-Germain býður honum samning.
Hinn þrítugi James kom til Katar frá Everton á dögunum. Hann hafði verið eitt tímabil á Englandi. Þar skoraði hann sex mörk og lagði upp fimm í 26 leikjum.
Kólumbíumaðurinn virðist þó ekki ætla sér að vera lengi í Katar, miðað við klásúluna.
Menn hjá PSG ætla að fylgjast vel með frammistöðum James í Katar og ná þá hugsanlega í hann ef þeim líst vel á.
Franska félagið hefur sterka tengingu við Katar. Eigandi félagsins er Sheikh Tamim bin Hamad al-Thani, Emír landsins.
Auk þess að leika fyrir Everton hefur James spilað fyrir félög á borð við Real Madrid, Bayern Munchen, Monaco og Porto á ferlinum.