Manchester United hefur nú formlega lagt fram tilboð í Jadon Sancho leikmann Borusisa Dortmund. Þetta fullyrðir þýska blaðið Bild.
Þar segir að United hafi boðið 60 milljónir punda, næsta víst er að Dortmund hafni því tilboði og viðræður haldi áfram.
Því er haldið fram að Dortmund vilji fá nálægt 80 milljónum punda og þarf United því að setjast við samningaborðið með Dortmund.
Sancho er 21 árs enskur kantmaður en United hefur haft áhuga á honum um langt skeið, félagið hafði áhuga síðasta sumar en þá vildi Dortmund 110 milljónir punda.
Samningur Sancho við Dortmund rennur út eftir tvö ár og hefur félagið gert samkomulag um að hann verði seldur í sumar, komi viðunandi tilboð.
Sancho er á leið á Evrópumótið með Englandi og því ólíklegt að United geti gengið frá kaupum á honum fyrr en eftir mótið.