Úrvalsvísitala íslensku kauphallarinnar, OMXI10, hefur lækkað um tæp tvö prósentustig það sem af er degi og stendur nú í 3.231 stigi. Öll félögin á aðallista Kauphallarinnar hafa lækkað í verði í dag.
Bréf í Icelandair hafa lækkað mest eða um 3,90% í 234 milljóna króna veltu. Bréfin í Icelandair Group hafa lækkað um 9,41% í þessari viku. Verð bréfanna var hæst 9. júlí þegar verð bréfanna fór upp í 1,7 krónur en þau standa nú í 1,48.
Á eftir Icelandair kemur Arion banki sem hefur lækkað um 3,59% en skipti með bréfin námu 292 milljónum.