Sara Björk Gunnarsdóttir og liðsfélagar hennar í Juventus máttu sætta sig við tap, 2:1, fyrir Roma í uppgjöri tveggja efstu liða ítölsku A-deildarinnar í knattspyrnu kvenna í dag.
Enn eru sex umferðir eftir í efri hluta deildarinnar en Roma á deildarmeistaratitilinn vísan enda með 13 stiga forskot á Juventus eftir sigur dagsins.
Roma vann sinn fyrsta Ítalíumeistaratitil í kvennaflokki á síðasta tímabili og allt útlit fyrir að Rómverjar verji titilinn.
Sara Björk kom inn á sem varamaður í liði Juventus á 59. mínútu.