Alls greindust fjórir með kórónuveiruna innanlands í gær. Þeir voru allir í sóttkví. Fjögur virk smit greindust á landamærunum, þrjú við fyrri skimun og eitt við seinni skimun. Einn bíður niðurstöðu mótefnamælingar og því ekki víst að viðkomandi sé með gamalt smit.
Enginn er á sjúkrahúsi vegna Covid-19.
Nú eru 123 í einangrun og í sóttkví eru 139. Í skimunarsóttkví eru 802.
Nýgengi smita innanlands á hverja 100 þúsund íbúa er nú 24 síðustu tvær vikur og 7,9 á landamærunum. Undanfarna daga hefur hlutfall nýrra smita hækkað jafnt og þétt innanlands en lækkað við landamærin.
Alls voru 1.002 skimaðir innanlands í gær. Á landamærunum voru 432 einstaklingar skimaðir.
Alls eru 38 börn með Covid á Íslandi í dag. Flest smitin eru í aldurshópnum 30-39 ára eða 37. Þrjú smit eru meðal barna á aldrinum 1-5 ára, 29 smit eru á meðal barna á aldrinum 6-12 ára og sex í aldurshópnum 13-17 ára. Í aldurshópnum 18-29 ára eru 17 smit. 21 smit er í aldurshópnum 40-49 ára. Átta smit eru í aldurshópnum 50-59 ára, eitt meðal fólks á sjötugsaldri og einn á áttræðisaldri er með Covid-19.