Formúla 1

Blæs á sögusagnir um Ferrari og er við það að undirrita nýjan samning

Hjörtur Leó Guðjónsson skrifar
Lewis Hamilton virðist ætla að halda kyrru fyrir hjá Mercedes.
Lewis Hamilton virðist ætla að halda kyrru fyrir hjá Mercedes. Danilo Di Giovanni/Getty Images

Sjöfaldi heimsmeistarinn Lewis Hamilton, sigursælasti ökuþór allra tíma í Formúlu 1, segist ekki vera í viðræðum við Ferrari og að hann sé nálægt því að skrifa undir nýjan samning við Mercedes.

Samningur Hamilton við Mercedes rennur út þegar yfirstandandi tímabili lýkur, en nú lítur út fyrir að þessi 38 ára gamli ökuþór verði áfram í herbúðum liðsins.

Fyrr í vikunni bárust fregnir af því að Ferrari hafi haft samband við Hamilton í von um að ná að lokka sjöfalda heimsmeistarann yfir til sín. Hamilton greindi hins vegar sjálfur frá því að hann væri með hóp fólks í því að vinna að nýjum samningi við Mercedes í samstarfi við Toto Wolff, liðsstjóra Mercedes.

Hamilton segir að þrátt fyrir að Mercedes-liðið hafi ekki getað keppt við Red Bull um titilinn frá árinu 2021 hafi það engin áhrif á vilja hans til að vera áfram hjá liðinu.




Fleiri fréttir

Sjá meira


×