Nýtt og bætt lið Arsenal var til umræðu í þættinum Völlurinn á Síminn Sport þar sem þeir Bjarni Þór Viðarsson og Freyr Alexandersson voru gestir Tómasar Þórs Þórðarsonar. Arsenal gerði 1:1-jafntefli við Leicester í vikunni en liðið er að spila miklu betur en fyrr í vetur þessa daganna.
„Við höfum öll verið að bíða eftir þessum áhrifum frá Mikel Arteta,“ sagði Freyr en Arsenal er nú ósigrað í síðustu fimm leikjum eftir nokkuð erfiða byrjun undir stjórn Spánverjans. Þeir Freyr og Bjarni fara yfir spilamennsku Arsenal í spilaranum hér að ofan og benda m.a. á að Arteta er ekki bara að herma eftir fyrrverandi læriföður sínum, Pep Guardiola.