Bandarískur geimfari kaus í forsetakosningunum vestanhafs utan kjörfundar frá Alþjóðageimstöðinni í dag. Kate Rubins telur mikilvægt að nýta kosningaréttinn, þrátt fyrir að vera stödd um 408 kílómetra yfir jörðinni.
„Frá Alþjóðageimsstöðinni: Ég kaus í dag,“ sagði Rubins á Twitter. Rubins hóf sex mánaða verkefni í Alþjóðageimstöðinni í síðustu viku.
Í tilkynningu frá NASA kemur fram að geimfarar kjósi rafrænt, en kjörseðlinum er komið til geimfara í gegnum tölvupóst. Árið 1997 samþykkti öldungadeild Bandaríkjaþings löggjöf sem heimilar geimförum að kjósa rafrænt.
From the International Space Station: I voted today
— NASA Astronauts (@NASA_Astronauts) October 22, 2020
— Kate Rubins pic.twitter.com/DRdjwSzXwy