Björgunarsveitir á Suðurnesjum leituðu í tvær klukkustundir að göngumönnum við eldstöðvarnar í morgun. Báðir fundust heilir á húfi eftir tveggja tíma leit.
Göngumennirnir voru eins vel búnir og aðstæður kölluðu á en veðurskilyrði breyttust hratt á vettvangi þegar svartaþoka lagðist yfir eldstöðvarnar.
Að sögn Karenar Óskar Lárusdóttur verkefnastjóra Landsbjargar brugðust göngumennirnir hárrétt við og hringdu beint á aðstoð.
Þá tók við tveggja tíma leit björgunarsveitanna sem fundu síðan göngumennina báða heila á húfi. Engin þörf var á frekari aðstoð fyrir göngumennina. Það fylgdi ekki sögunni hvort um erlenda eða innlenda ferðamenn væri að ræða.