Stærstu hluthafar Nova – 10% lækkun fyrsta daginn á markaði
Setja bókamerki
Listi yfir tuttugu stærstu hluthafa Nova var nú birtur eftir lokun hlutabréfamarkaðsins í dag, 21. júní. Nova Acquisition Holding ehf., sem er í eigu fjárfestingasjóðsins Pt. Captial, fer enn með stærsta hlutinn í fyrirtækinu, hann stendur nú í 11,1%.
Fyrir útboðið var fjarskiptafyrirtækið í meirahlutaeigu sjóðsins og fór hann þá með 50,5% hlut í fyrirtækinu.
Gengi bréfa Nova lækkaði um 10% á fyrsta degi fyrirtækisins á markaði en útboðsgengi á tilboðsbók A og tilboðsbók B var 5,11 krónur á hlut. Gengi bréfanna við lokun stóð í 4,63 krónur á hlut.
Útboðið var stækkað þrátt fyrir lítinn áhuga megnugra fjárfestra sem hefur verið gagnrýnt í fjölmiðlum.
Fimm lífeyrissjóðir eru á meðal tuttugu stærstu hluthafa fyrirtækisins. Lífeyrissjóður verzlunarmanna og Lífsverk fara hvor um sig með 2,3% hlut í fyrirtækinu. Stapi fer með 2% hlut, Almenni lífeyrissjóðurinn með 1,8% hlut og Festa með 1,4%. Hlutur sjóðanna miðað við gengi dagsins er metinn á rúma 1,7 milljarða króna.
M&M Partners ehf. fyrirtæki Margrétar Tryggvadóttur fer með 2,1% hlut í fyrirtækinu, álíka stór og fyrir útboðið.
Nauðgaði kærustu sinni og tók það upp
Sárt að horfa upp á illa meðferð fjármuna
Bjarkey stendur við skammarbréf Svandísar
29 nautgripir fundust dauðir
Aðkoman í gripahúsið mjög slæm
Hafa „ágætis tíma“ til úrbóta
Almannavarnir auka viðbúnað