Bikarmeistararnir fá HK í heimsókn

Valsmenn hefja vörn bikarmeistaratitilsins í karlaflokki í handknattleik með heimaleik gegn HK en dregið var til sextán liða úrslitanna í dag.

Toppliðin í 1. deildinni fá áhugaverða heimaleiki gegn úrvalsdeildarliðum því Hörður fær FH í heimsókn til Ísafjarðar og ÍR tekur á móti Selfyssingum í Austurbergi.

Þessi lið mætast í 16-liða úrslitum Coca Cola-bikars karla.

ÍBV 2 – Þór
ÍR – Selfoss
Vængir Júpíters – Víkingur
Hörður – FH
Valur – HK
Kórdrengir – ÍBV
Stjarnan – KA
Grótta – Haukar

Leikirnir fara fram um miðjan febrúar.

Afturelding, Fram og Fjölnir eru einu liðin sem eru fallin út úr bikarnum en þrír leikir voru í fyrstu umferð keppninnar.

• Blogga um frétt