Enska úrvalsdeildarfélagið Liverpool er núna sagt í viðræðum við Katalóníustórveldið Barcelona um skiptidíl á leikmönnum.
Spænski fjölmiðillinn Sport segir frá því að félögin tvö séu í viðræðum um að skipta á leikmönnum.
Leikmennirnir sem um ræðir eru Roberto Firmino og Memphis Depay; Firmino myndi þá fara til Börsunga og Memphis færi í hina áttina til Liverpool.
Firmino kom til Liverpool árið 2015 og er búinn að gera frábæra hluti fyrir félagið, en það er spurning hvort hans tími hjá félaginu sé kominn - hvort það sé tími til kominn að breyta til.
Memphis, sem er fyrrum leikmaður Manchester United, er ekki ofarlega í goggunarröðinni hjá Barcelona og er félagið tilbúið að leyfa honum að fara.
Sögur eru um að þetta gæti gerst í janúar en það verður að koma í ljós. Báðir leikmenn eru samningsbundnir sínum félögum til 2023.
Athugasemdir