Ýmis mannréttindasamtök, meðal annars Mannréttindavaktin og Amnesty International, hafa gagnrýnt írönsk stjórnvöld vegna dauða fanga, sem dæmdur var fyrir mótmæli sem fram fóru árið 2018. 

Behnam Mahjoubi, sem var í Sufi Gonabadi-trúarsöfnuðinum, tók þátt í mótmælum á vegum safnaðarins í febrúar 2018 og var í kjölfarið dæmdur í tveggja ára fangelsi. Hann hóf afplánun í júní á síðasta ári. Mahjoubi lést í varðhaldi eftir að yfirvöld tryggðu honum ekki fullnægjandi læknisaðstoð. 

Fangelsismálayfirvöld í Íran segja að Mahjoubi hafi látist af völdum eitrunar eftir að hafa tekið inn óþekkt lyf. Hann var fluttur á sjúkrahús fyrr í mánuðinum, en Mannréttindavaktin fullyrðir að Mahjoubi, sem var andlega veikur fyrir, hafi látist vegna vanrækslu stjórnvalda. Amnesty International segir að Mahjoubi hafi sætt pyntingum í fleiri mánuði og verið vísvitandi neitað um nauðsynlega heilbrigðisþjónustu. 

Mótmælin í febrúar, sem leiddu til mikillar umræðu um framkomu gagnvart Sufi-samfélaginu, voru ein stærstu trúarlegu mótmæli í landinu á síðustu árum. Fimm lögreglumenn létust og fleiri en 300 voru handteknir. 

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt