Hviður munu ná 60 metrum á sekúndu
Setja bókamerki
Veður mun versna eftir því sem líður á daginn og alveg fram á kvöld á Suðausturlandi. Veðurfræðingur á Veðurstofu Íslands gerir ráð fyrir mjög stífum meðalvindi upp að 33 m/s og hviðum upp í 60 m/s.
„Þetta er mjög slæmt og óvenjulegt þótt það sé ekki einsdæmi á þessum árstíma,“ segir Eiríkur Örn Jóhannesson veðurfræðingur á veðurstofunni í samtali við mbl.is. Hann segir þetta keimlíkt óveðri sem var í janúarmánuði 2021.
Vindstyrkurinn meiri en í fellibylnum Fíónu
Hviðurnar munu að sögn Eiríks ná nærri 60 m/s sem er ríflega 215 kílómetrar á klukkustund. Til samanburðar má benda á fellibylinn Fíonu sem gengur yfir Kanada um þessar mundir en þar nær vindstyrkurinn 160 kílómetra hraða.
Eiríkur segir að það sé nokkur úrkoma á Norðausturlandi og svolítil úrkoma til fjalla þar en ekki teljandi úrkoma í öðrum landshlutum.
Óbein tengsl við óveður úti í heimi
Eiríkur segir lægðina sem gengur yfir landið ekki leifar af neinum fellibyl þótt öfgaveður í Kanada hafi áhrif á veðráttuna hér.
„Vissulega bar hann heitara loft til okkar óbeint. Hlýja loftið sem við fundum í gær skapar óstöðugleika í lofthjúpnum. Þetta eru ekki leifar af honum en hann skapar óstöðugt ástand,“ segir Eiríkur.
Eins og í Kanada hefur lægðin valdið víðtækum rafmagnstruflunum á Norður- og Austurlandi. Þá hefur vatn gengið á land á Akureyri og flætt inn í hús.
Nái hámarki um kvöldmatarleytið
Rauð viðvörun er í gildi vegna veðurs á Austfjörðum og appelsínugul á Norðurlandi eystra, Austurlandi að Glettingi, Suðausturandi og miðhálendi. Eiríkur segir það versta ekki enn yfirstaðið á Suðausturlandi:
„Þar á eftir að bæta í núna alveg fram eftir degi og verður verst þar undir kvöld að öllum líkindum.“
Óljóst hvort þyrlan sé fundin
Alþjóðlegi sakamáladómstóllinn vill handtaka Netanjahú
Gegnum lykilhlutverki fyrir NATO
„Söguleg óvirðing sem gleymist aldrei“
/frimg/1/49/29/1492993.jpg)
Geta kóðað sjúkraskýrslur á íslensku
Ráðist á ferðamenn: „Það var blóð alls staðar“
Kjörseðlar kláruðust: Aðsókn meiri en áætlað var
Um 50 skjálftar í kvikuganginum