Elvar Már Friðriksson, landsliðsmaður í körfuknattleik, var langstigahæstur í liði Siauliai í litháísku úrvalsdeildinni í dag þegar liðið tapaði fyrir Juventus 94:112.
Elvar skoraði 29 stig í leiknum og var með 57% skotnýtingu innan teigs og 50% skotnýtingu utan þriggja stiga línunnar.
Elvar gaf auk þess sjö stoðsendingar á samherjana, tók tvö fráköst og stal boltanum einu sinni af mótherjunum.
Siauliai er í 8. sæti deildarinnar og framundan virðist barátta um að komast í átta liða úrslitakeppnina.