Ríkisstjórnin hefur boðað til kynningarfundar á framhaldi viðspyrnuaðgerða í Hörpu í dag, en fundurinn hefst kl. 15.00.
Fundurinn verður sendur út frá Silfurbergi en vegna gildandi sóttvarnaráðstafana verða engir fjölmiðlamenn í salnum, að því er fram kemur í tilkynningu.
Á fundinum verða Katrín Jakobsdóttir forsætisráðherra, Bjarni Benediktsson, fjármála- og efnahagsráðherra, Sigurður Ingi Jóhannsson, samgöngu- og sveitarstjórnarráðherra, og Ásmundur Einar Daðason, félags- og barnamálaráðherra.
Hægt verður að fylgjast með fundinum á mbl.is.