Parton lagði milljónir í Moderna-bóluefnið
Setja bókamerki
Tónlistarkonan Dolly Parton styrkti rannsókn og framleiðslu á bóluefni gegn kórónuveirunni um 1 milljón bandaríkjadala. Það eru um 135 milljónir íslenskra króna á gengi dagsins í dag.
Parton styrkti rannsóknarstöð Vanderbilt-háskólans á vormánuðum en rannsóknarstöðin lék lykilhlutverk í því að búa til bóluefnið ásamt lyfjafyrirtækinu Moderna.
Moderna tilkynnti í gær að bóluefni þess hefði 95% virkni samkvæmt grunnprófunum.
Í grein sem birtist í New England Journal of Medicine sem kom út í gær kemur fram í neðanmálsgrein að Dolly Parton hafi styrkt verkefnið.
Parton greindi sjálf frá því í apríl að hún ætlaði að leggja eina milljón til verkefnis Vanderbilt-rannsóknarstöðvarinnar. „Minn góði vinur dr. Naji Abumrad, sem hefur unnið að rannsóknum hjá Vanderbilt í mörg ár, sagði mér frá því að þau væru að ná spennandi áföngum í rannsóknum á lausn vegn kórónuveirunni. Ég ætla að styrkja Vanderbilt um eina milljón og hvet fólk sem getur að gera slíkt hið sama,“ skrifaði Parton á Instagram í apríl.
Braut gegn konum í Eyjum
Tímaspursmál hvenær framleiðslu verði hætt
„Trúlega rákumst við saman“
Veita fyrirtækjum brú yfir óvissutímabil
Fordæmir leyndarhyggju í skólamálum
Mennirnir í haldi lögreglunnar á Suðurnesjum
Fann bein og tönn úr dýrum í sprungunni
Segir forseta þingsins segja ósatt frá fundinum