Ivan Maewski skoraði sigurmark Astana þegar liðið heimsótti Kyzylzhar í lokaumferð efstu deildar Kasakstan í knattspyrnu í dag.
Leiknum lauk með 1:0-sigri Astana en Maewski skoraði sigurmark leiksins undir lok fyrri hálfleiks.
Rúnar Már Sigurjónsson leikur með Astana en hann sat allan tímann á varamannabekk liðsins í dag.
Liðið endar í þriðja sæti deildarinnar með 36 stig, 9 stigum minna en topplið Kairat.
Þriðja sætið gefur sæti í undankeppni Evrópudeildarinnar en Astana hefur fagnað sigri í deildarkeppninni í Kasakstan undanfarin sex ár.
Þá er þetta versti árangur liðsins í deildarkeppninni síðan árið 2012 þegar liðið hafnaði í fimmta sæti deildarinnar.