Thomas Partey ferðaðist ekki með Arsenal til Þýskalands í morgun eins og breski blaðamaðurinn Chris Wheatley fullyrti.
Arsenal fór af stað í æfingaferð í morgun en var hinn 29 ára gamli Partey ekki með í för. Hann er enn í Lundúnum.
Í gær var greint frá því að breska lögreglan hafi handtekið leikmann í ensku úrvalsdeildinni vegna gruns um nauðgun í síðasta mánuði.
Ensk blöð mega ekki nafngreina manninn af lagalegum ástæðum en segja þó að hann sé 29 ára gamall og að hann búi í Barnet í Norður-Lundúnum.
„Þessi alþjóðlega stjarna er einn af bestu leikmönnunum í sínu liði í úrvalsdeildinni,“ segir í fréttum.
Jafnframt er sagt frá því að hann sé frægur landsliðsmaður sem er á leið á Heimsmeistaramótið í Katar í lok þessa árs.
Thomas Partey is currently in London and did not travel with the Arsenal team to Germany. Apologies for any confusion caused with earlier tweet. #AFC
— Chris Wheatley (@ChrisWheatley_) July 5, 2022