Samtals sóttu 26 um fjórar lausar stöður héraðsdómara við þrjá héraðsdómstóla sem auglýstar voru lausar til umsóknar 25. september. Meðal umsækjenda er dómsstjóri við Héraðsdóm Vestfjarða, skrifstofustjóri Landsréttar, saksóknari hjá héraðssaksóknara, fyrrverandi þingmaður og fráfarandi bæjarstjóri Fjarðarbyggðar.
Auglýst voru tvö embætti dómara með fyrsta starfsvettvang hjá Héraðsdómi Reykjavíkur. Þá var auglýst eitt embætti með fyrsta starfsvettvang hjá Héraðsdómi Reykjaness og eitt embætti dómara með fyrsta starfsvettvang hjá Héraðsdómi Norðurlands eystra.
Samtals bárust 26 umsóknir um embætti dómara með fyrsta starfsvettvang hjá Héraðsdómi Reykjaness, 24 umsóknir um embætti dómara með fyrsta starfsvettvang hjá Héraðsdómi Reykjavíkur og 9 umsóknir um embætti dómara með fyrsta starfsvettvang hjá Héraðsdómi Norðurlands eystra.
Höskuldur Þór Þórhallsson, fyrrverandi þingmaður Framsóknarflokksins, er einn umsækjenda um öll embættin sem og Karl Óttar Pétursson, fráfarandi bæjarstjóri Fjarðarbyggðar. Þá sækir Bergþóra Ingólfsdóttir, dómstjóri við Héraðsdóm Vestfjarða, um embættin á suðvestur horninu, sem og Björn L. Bergsson, skrifstofustjóri Landsréttar, Björn Þorvaldsson saksóknari og Jóhannes Rúnar Jóhannsson lögmaður, en Jóhannes var einn þeirra sem sótti upphaflega um embætti Landsréttardómara og var metinn meðal 15 hæfustu af hæfnisnefnd en var að lokum ekki skipaður.
Umsækjendur um öll embættin:
Arnbjörg Sigurðardóttir, aðstoðarmaður héraðsdómara
Brynjólfur Hjartarson, lögfræðingur
Guðmundína Ragnarsdóttir, lögmaður
Herdís Hallmarsdóttir, lögmaður
Hlynur Jónsson, lögmaður
Höskuldur Þór Þórhallsson, lögmaður
Ólafur Helgi Árnason, lögmaður
Sigurður Jónsson, lögmaður
Karl Óttar Pétursson, lögmaður
Umsækjendur um tvö embætti dómara með fyrsta starfsvettvang hjá Héraðsdómi Reykjavíkur og eitt hjá Héraðsdómi Reykjaness:
Arnór Snæbjörnsson, settur skrifstofustjóri
Auður Björg Jónsdóttir, lögmaður
Ásgeir Jónsson, lögmaður
Bergþóra Ingólfsdóttir, héraðsdómari
Björn. L. Bergsson, skrifstofustjóri
Björn Þorvaldsson, saksóknari og sviðsstjóri
Eva Halldórsdóttir, lögmaður
Hulda Árnadóttir, lögmaður
Jóhannes Rúnar Jóhannsson, lögmaður
Margrét Einarsdóttir, prófessor
Margrét Gunnlaugsdóttir, lögmaður
María Thejll, lögmaður
Nanna Magnadóttir, formaður og forstöðumaður
Valborg Steingrímsdóttir, lögfræðingur og verkefnastjóri
Þórhallur Haukur Þorvaldsson, lögmaður
Umsækjendur um eitt embætti dómara með fyrsta starfsvettvang hjá Héraðsdómi Reykjaness:
Jón Auðunn Jónsson, lögmaður
Jónas Jóhannsson, héraðsdómari