Aldís Kara Bergsdóttir fékk 39,92 stig fyrir æfingar sínar í listhlaupi á skautum á úrtökumótinu fyrir Vetrarólympíuleikana sem fram fer í Þýskalandi.
Keppt var í skylduæfingum í dag og á morgun eru frjálsar æfingar. Er Aldís Kara í 31. sæti en sex sæti eru í boði á Vetrarólympíuleikunum.
Aldís Kara er ung að árum eða aðeins 18 ára og keppir fyrir Skautafélag Akureyrar. Hún fær dýrmæta reynslu í mótinu.