Portúgal burstaði Ísrael í síðasta leik liðsins fyrir Evrópumótið sem hefst á föstudaginn. Um vináttulandsleik var að ræða.
Bruno Ferndandes kom Portúgal yfir á 42. mínútu og lagði svo upp annað mark fyrir Cristiano Ronaldo stuttu síðar. Staðan í hálfleik var 2-0.
Portúgal bætti svo við tveimur mörkum undir lok leiks. Fyrst skoraði Joao Cancelo og svo gerði Bruno annað mark sitt. Lokatölur 4-0.
Portúgal hefur leik á EM þann 15. júní er þeir mæta Ungverjalandi. Frakkar og Þjóðverjar eru einnig í sterkum F-riðli.
Þeir eru ríkjandi Evrópumeistarar frá því árið 2016. Þeir eru af mörgum taldir vera með enn sterkara lið en þá í keppninni í ár. Það verður því spennandi að sjá hvernig þeim vegnar.