Íslendingarnir atkvæðamiklir í Þýskalandi
Setja bókamerki
Viggó Kristjánsson var markahæstur í liði Stuttgart þegar liðið vann fimm marka útisigur gegn Erlangen í þýsku 1. deildinni í handknattleik í kvöld. Leiknum lauk með 32:27-sigri Stuttgart en Viggó skoraði sjö mörk í leiknum.
Þá átti Andri Már Rúnarsson einnig mjög góðan leik fyrir Stuttgart og skoraði fimm mörk en Stuttgart er með 7 stig í fimmtánda sæti deildarinnar, stigi frá fallsæti.
Daníel Þór Ingason skoraði þrjú mörk fyrir Balingen þegar liðið tapaði á heimavelli gegn Göppingen, 26:30.
Oddur Gretarsson lék ekki með Balingen vegna meiðsla en liðið er með 6 stig í sextánda og þriðja neðsta sætinu, stigi frá fallsæt.
Janus Daði Smárason meiddur í liði Göppingen en liðið er með 15 stig í fjórða sætinu, sjö stigum minna en topplið Magdeburg.
Þá skoraði Elvar Örn Jónsson fjögur mörk fyrir Melsungen þegar liðið vann eins marks heimasigur gegn Rhein-Neckar Löwen, 25:24.
Arnar Freyr Arnarsson og Alexander Petersson komust ekki á blað hjá Melsungen en Ýmir Örn Gíslason skoraði eitt mark fyrir Löwen.
Melsungen er með 14 stig í sjötta sætinu en Rhein-Neckar Löwen er með 12 stig í tólfta sætinu.
Benda á Samgöngustofu sem bendir út í heim
Innviðir þandir og álagið „gríðarlegt“
Starfsfólk gæti fengið reikning frá Skattinum
Ofsóttur innan veggja Boeing
Kvikan virðist nú skiptast til helminga
„Tíminn er runninn út fyrir Kristján Loftsson“
Hjón sluppu með skrekkinn