Það hafa margir velt því fyrir sér hvernig skjálftavirkni leggst í þá sem sækja sjóinn og þá hvort þeir finna fyrir jarðskjálftum á sjó. Svarið er já ef marka má Guðjón Guðjónsson skipstjóra á frystitogaranum Arnari HU 1.

Togarinn var í vari í tvo daga skammt frá Helguvík í síðasta túr og segir Guðjón á vef Fisk Seafood, sem gerir Arnar út, að áhöfnin hafi fundið vel fyrir stærstu skjálftunum.

Arnar kom til hafnar á Sauðárkróki í dag með 787 tonna afla. Þar af um 279 tonn af þorski, 149 tonn af gullkarfa og 106 tonn af djúpkarfa. Verðmæti aflans er talið nema um 245 milljónum króna.

„Við fórum út 30. janúar og vorum á veiðum frá Þverál að Jökuldýpi, fórum því umhverfis Ísland. Veiðarnar hafa ekki gengið of vel en það verður landað sirka 23.500 kössum. Veðrið var ágætt að mestu, vorum tvo daga í vari út af Helguvík og fundum vel fyrir stærstu skjálftunum,“ segir Guðjón.

Tengdar fréttir

Eldvirkni á Reykjanesskaga

Gígbarmurinn hækkað frá því í gær

• Helmingur umsókna samþykktur fyrir vikulok
• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu

» Fleiri tengdar fréttir

• Blogga um frétt