Handbolti

Fyrsta tap Leipzig á árinu

Smári Jökull Jónsson skrifar
Viggó skoraði fimm mörk í kvöld.
Viggó skoraði fimm mörk í kvöld. Vísir/Getty

Leipzig beið lægri hlut fyrir Erlangen í þýsku úrvalsdeildinni í handknattleik í kvöld. Arnór Þór Gunnarsson og samherjar hans í Bergischer unnu stórsigur á Hamm-Westfalen.

Síðan Rúnar Sigtrygsson tók við stjórn Leipzig hefur gengi liðsins stökkbreyst. Liðið var í sjöunda sæti deildarinnar fyrir leikinn og hafði unnið alla leiki sína síðan heimsmeistaramótinu lauk í janúar.

Liðið mætti í kvöld liði Erlangen sem er um miðja þýsku deildina. Lekurinn var jafn til að byrja með en Erlangen náði frumkvæðinu undir lok fyrri hálfleiks og leiddi 19-17 í hálfleik.

Í seinni hálfleik hélt Erlangen frumkvæðinu og bætti í. Liðið vann að lokum 36-32 sigur og fyrsta tap Leipzig árið 2023 staðreynd. Viggó Kristjánsson átti ágætan leik fyrir Leipzig og skoraði fimm mörk.

Arnór Þór Gunnarsson skoraði tvö mörk úr þremur skotum fyrir Bergischer sem vann tíu marka stórsigur á Hamm-Westfalen. Bergischer er í níunda sæti deildarinnar eftir sigurinn.




Fleiri fréttir

Sjá meira


×