Fjár­mála­eft­ir­lit Seðla­bank­ans telur að stjórn Líf­eyr­is­sjóðs verzl­un­ar­manna hafi ekki gætt að því að meta hæfi ein­stakra stjórn­ar­manna við und­ir­bún­ing og ákvörðun um hvort sjóð­ur­inn tæki þátt í hluta­fjár­út­boði Icelandair Group. Þetta kemur fram í nið­ur­stöðu bank­ans vegna athug­unar á stjórn­ar­háttum hjá sjóðn­um, sem birt var í dag.

Þar segir einnig að Seðla­bank­inn hafi farið fram á að stjórn líf­eyr­is­sjóðs­ins tryggi fram­vegis að full­nægj­andi umræða fari fram á stjórn­ar­fundum um hæfi stjórn­ar­manna þegar til­efni sé til lögum sam­kvæmt og að stjórn­ar­mönnum verði tryggður kostur á að koma á fram­færi upp­lýs­ingum sem varða hæfi þeirra í tengslum við þau mál sem eru til umræðu, eftir því sem til­efni er til hverju sinni.

Einnig segir í nið­ur­stöðu fjár­mála­eft­ir­lits Seðla­bank­ans að upp­lýs­inga­gjöf sjóðs­ins til bank­ans vegna athug­un­ar­innar á stjórn­ar­háttum sjóðs­ins hafi verið „ábóta­vant og mis­vísand­i“. Það hafi meðal ann­ars tafið afgreiðslu máls­ins.

Athugun fjár­mála­eft­ir­lits­ins hófst í sept­em­ber í fyrra, vegna álita­mála sem komu upp í tengslum við und­ir­bún­ing ákvörð­unar stjórnar sjóðs­ins um hvort taka skyldi þátt í hluta­fjár­út­boði Icelandair Group eða ekki.

Til athug­unar var hvort stjórn líf­eyr­is­sjóðs­ins hefði gætt að því með full­nægj­andi hætti að meta hæfi ein­stakra stjórn­ar­manna við und­ir­bún­ing og ákvörðun um hvort sjóð­ur­inn tæki þátt í hluta­fjár­út­boð­inu í sam­ræmi við kröfur laga nr. 129/1997 um skyldu­trygg­ingu líf­eyr­is­rétt­inda og starf­semi líf­eyr­is­sjóða og stjórn­sýslu­laga nr. 37/1993.

Seðla­bank­inn afl­aði meðal ann­ars upp­lýs­inga og gagna um ákvörð­un­ar­ferli stjórnar sjóðs­ins vegna útboðs­ins og átti fundi með stjórn­ar­mönnum sjóðs­ins þar sem farið var yfir sömu mál­efni.