Íslenska karlalandsliðið í knattspyrnu mun leika með sorgarbönd í leiknum gegn Englandi á Wembley í Þjóðadeildinni annað kvöld en faðir þjálfarans Eriks Hamrén lést um helgina.
Per Hamrén lést að kvöldi 15. nóvember, sama kvöld og Ísland spilaði gegn Danmörku í Kaupmannahöfn en Knattspyrnusamband Íslands segir frá þessu á Twitter-síðu sinni.
A landslið karla leikur með sorgarbönd í leiknum við England á Wembley til að votta þjálfara íslenska liðsins, Erik Hamrén og fjölskyldu hans samúð sína. Faðir Eriks, Per Hamrén, lést að kvöldi 15. nóvember, sama kvöld og íslenska liðið lék við Dani á Parken. pic.twitter.com/aibj1j6N7z
— Knattspyrnusambandið (@footballiceland) November 17, 2020